Geen toeval – wel genade

Ek glo nie meer in toeval nie, maar wel in genade.

Gisteraand toe die weer begin verander en die wind opkom, het ek bly karring aan my man om die voertuie in die motorhuise te gaan bêre.

Elke keer wou hy net gou eers iets anders doen. Die een voertuig was binne die erf agter die geslote, baie hoë hek geparkeer en die ander een aan die buitekant van die hek.

Ons het nog so in die sitkamer gesit toe ons ‘n slag by die motorhuis hoor.

Die wind het die motorhuisdeur uit sy baan geruk.

My man was nog besig om dit reg te maak toe ons nog ‘n geweldige slag hoor.

Die wind het takke van die reuse-akkerboom in die erf langs ons s’n afgeruk, dit het in ons erf geval en die bakkie met sentimeters gemis.

Nodeloos om te sê, die muur tussen die twee erwe, die hek en ‘n groot deel van die palissade het in die slag gebly en ons was vasgekeer in die erf, aangesien die takke oor die hek gelê het.

Sou my man die motors in die motorhuise gebêre het toe ek gevra het, sou die bakkie beslis skade gekry het toe die deur uit sy baan geruk is.

Werkers moes vanoggend die palissade oopsny sodat ek kon uitkom om werk toe te gaan.

Sou albei die voertuie in die erf gewees het, sou ons nie vervoer gehad het nie, omdat dit ‘n dag of wat gaan neem om die takke op te saag en die ingang na die huis weer oop te kry.

Alles gebeur soos dit moet en ek sal nooit weer iets aan toeval toeskryf nie.

 

Vir meer nuus besoek gerus ons ander webblaaie.

Ridge Times, Standerton Advertiser & Highvelder

”Like” ons op Facebook en volg ons op Twitter.

  AUTHOR
Sanette Botha
Editor

Latest News

COMMENTS

Top
Next Story x
Why you wake up early after a night of drinking